“E keni mendjen tek tuneli Palloshit”, plasin të qeshurat në Kuvend

Një lapsus i kryetarit të Kuvendit, Niko Peleshi, ka shkaktuar të qeshura në sallën e Kuvendit, pasi iu drejtua deputetit të PD-së, Belind Këlliçi, si “Zoti Balluku”, teksa i dha fjalën për procedurë.

“Për procedurë z. Balluku, Këlliçi! Ndjesë për lapsusin”, u shpreh kryeparlamentari, ndërsa deputetët shpërthyen në të qeshura.

Deputeti i PD-së, Belind Këlliçi, ironizoi situatën duke thënë se zv.kryeministrja Belinda Balluku, e cila është marrë e pandehur nga SPAK për tunelin e Llogarasë, ka një meritë të veçantë: sipas tij, ajo ka shpikur një mikrotoponim të ri.

“Tuneli i Llogarasë nga sot quhet tuneli i Palloshit, ka meritë të madhe”, u shpreh Këlliçi.

Pjesë nga replikat në sallë:

• Niko Peleshi: Për procedurë z. Balluku, Këlliçi… (Shkakton të qeshura në sallë)

• Belind Këlliçi: E di që e keni mendjen tek tuneli i Palloshit, skeni faj

• Niko Peleshi: Ndjesë për lapsusin

• Belind Këlliçi: Balluku ka një meritë se na ka shpikur një mikrotoponim të ri; tuneli i Llogarasë që nga sot quhet tuneli i Palloshit, ka meritë të madhe.