E nderuara Madam Nancy VanHorn: Vizitoni kryeveprën e Tiranës, inceneratorin e Tiranës!

  Alba Alimehmeti Kepi

E nderuara Madam Nancy VanHorn, e ngarkuara me Punë e sapo emëruar në Ambasadën Amerikane në Tiranë Ju uroj mirëseradhjen!

Po ju përgjigjem kërkesês tuaj për ndihmë për të njohur më mirë vendin tim Shqipërinë.

Po e nis nga pyetja juaj e dytë sepse Sofra për shqiptarin është parësore e shenjtë e me vlerë sa miqësia.
Sofra êshtë mikpritja e miku ulet në bash të sofrës.
Pak rëndêsi ka c’ka shtruar. Me c’ka i gjendet në shtëpi ne jua vemë para e sic thotë proverbi ynë “bukë, kryp e zemër”.
Mund të shijoni cdo pjatë shqiptare të cdo krahine e zone Madam, mjaft të mos jetë bar.

Po bar sic hajnë delet, lopët, dhitë, grass në gjuhën tuaj Madame.
Nuk êshtë as shaka e as keqkuptim por një pjatë tipike e jetës dramatike që prindërit, gjyshërit e stërgjyshërit tanë kanë jetuar gjatë diktaturës komuniste.
E kishim harruar Madame, por ja që për ironi o fatkeqësi të kohës e qeverisjes ku po jetojmë këtë pjatë tipike urie e dhimbje na e kujtoi me kërcënim o përkëdheli ish Ambasadorja juaj Kim e që ky shtet i madh si Amerika u bë mbi dy vite që nuk po i gjen një pasuese.

Pra e nderuar Madame Nancy VanHorn, bari kjo pjatë tipike komuniste urojmë të mos na kujtohet kurrë.
Por dhe nëse, vetëm me bar në bark më 1991 ne ia dolëm.

Pyetja juaj e parë është vendi që dëshëroni të vizitoni.
Unë ju ftoj Dear Madame të shihni Inceneratorin e Tiranës, kjo vepêr publike strategjike për të ardhmen e Kryeqytetit. Pozicionuar në periferi të qytetit ju ofron projektin në teknologjinë më moderne, sostenibël, madhor, revolucionar, natyror e me aromë tërbuese biologike si në asnjë vend tjetër tê botës.
Ka kushtuar e kushton cdo ditë një tufë lekësh që i paguajnë shqiptarët.
E pasi ta kqyrni në cdo sistem e makineri inovatore me të cilin êshtë ndërtuar, ju përgjigjem pyetjes suaj të tretë; libri që duhet të lexoni është Kushtetuta e Republikës së Shqipërisë. Aty do të kuptoni shumë nga Shqipëria sot; si e sa respektohet?!

E nderuar Ambasadore, si grua, nënë, qytetare shpresoj të evitoni foto albumet me udhëtime turistike nëpër bukuritë shqiptare. E bëjnë politikanët e deputetët shqiptarë cdo ditë e javë si virus i propagandês shekullore “gju më gju me popullin”.

E Ajo që shqiptarët e thjeshtë urojnë të gjejnë tek ju êshtë jo xhirot turistike por rrugëtime për të lejuar që kjo Shqipëri Nesër mos të jetë një gropë mbytëse e cdo lirie e të drejte demokratike.
U.S. Embassy Tirana