E ngarkuara me Punë e SHBA takohet me kreun e AMP-së

Ambasada amerikane zbardhen diskutimet

E ngarkuara me Punë e SHBA, Nancy VanHorn, u takua sot me Drejtorin e Përgjithshëm të Agjencisë së Mbikëqyrjes Policore (AMP), Florian Sulejmani. “Ajo vlerësoi angazhimin e Drejtorit të Përgjithshëm dhe AMP-së për integritet dhe profesionalizëm, teksa i shton vetting-ut, hetimeve dhe inspektimeve”, njofton Ambasada e SHBA.

VanHorn dhe Sulejmani diskutuan përpjekjet e AMP-së për ndërveprim me komunitetin, aftësitë e saj të mbikëqyrjes dhe njësinë e saj të poligrafit, si dhe ndërveprimim me agjenci të tjera shqiptare për të rritur llogaridhënien dhe transparencën te zyrtarët e zbatimit të ligjit.

Referuar Ambasadës së SHBA, ata vunë në dukje rëndësinë e reagimit të AMP-së ndaj ankesave publike si një mënyrë për të forcuar besimin e publikut dhe sundimin e ligjit – thelbësore për procesin e integrimit të Shqipërisë në BE.

Që nga viti 2020, Shtetet e Bashkuara kanë ofruar ndihmë teknike, trajnim dhe mentorim për AMP-në përmes Departamentit të Shtetit dhe Departamentit të Drejtësisë së SHBA, në mbështetje të misionit të saj për përparimin e mbikëqyrjes policore, llogaridhënies dhe sundimit të ligjit