Edhe për Bashën, fajin e ka Saliu…
Bledian Koka
Lulzim Basha ka thënë sot se privatizimi i CEZ dhe i Armos gjatë qeverisjes së demorkatëve rezultuan të ishin të dështuara. Deklarata e sotme e Bashës duket si një mea-culpa e një kryetari partie që njeh vetes fajet e keqqeverisjes, dhe permes kësaj persiatje bajate e të njohur mëton të qëroje moralin e vet politik për të kërkuar sërish pushtet, është krejtësisht e gabuar.
E para, këto deklarata të Lulzim Bashës sot, nuk bejnë asgjë tjetër përveçse çojnë ujë në mullirin e Edi Ramës i cili duke fajësuar këto dy akte të qeverisë Berisha, e mori ARMO-n, e ia dha Besos të Taivanit. Sesi shkoi premtimi që bëri vetëm 1 vit më parë kur Rama rrihte gjoksin para punonjësve dhe shqiptarëve për begati financiare me ri-shitjen e ARMO-s, ajo u pa qartë. Po të njëjtën praktikë nihiliste si ajo e Lulzim Bashës për privatizimin e CEZ-it, Edi Rama përdori si alibi kur i fali kompanisë nja 600 e kusur milionë euro në arbitrazh.
Dhe ndërsa Edi Rama lufton pa pushim permes Taulant Ballës për komisionin hetimor për privatizimin e CEZ, për 7 milionë euro që kompania ja ka paguar një biznesmeni se ia donte qejfi çekëve, po njësoj Lulzim Basha ka futur kokën në rërë si shpendi i njohur dhe e ka harruar faktin që këtu e dy vjet më parë ngriti edhe ai me deputetët e tij një komision hetimor për privatizimin e CEZ, të cilin thjeshtë nuk e permend më. Pra nëse Edi Rama nuk harron asgjë që ka të bëjë me sulmin ndaj opozicionit si nocion, Lulzim Basha harrohet gjithmonë rrugës për çdo aksion opozitar, sidomos që pas 18 Majit. Këto “aksione” të Lulzim Bashës thjeshtë nisin e mbarojnë brenda 5 minutave, aq sa zgjat edhe konferenca e tij për shtyp.
P.s…Sot ama i njëjti individ që harrohet rrugës për çdo gjë,çuditërisht u kujtua të fajësonte Saliun për privatizimet e CEZ dhe ARMO-n…, njësoj siç bën Rama fundja…
Keni një histori? Denonco anonimisht, identiteti juaj mbrohet.
Denonco
