Erion Dasho: Boja dhe demagogjia, vizioni i Boratëve për shëndetësinë

Mjeku i njohur Erion Dasho, duke komentuar foton propagandistike të publikuar nga Ministrja e Shëndetësisë, Ogerta Manastirliu të një gruaje që i matet tensioni e zhveshur në dëborë, shkruan ndër të tjera se këto pamje tregojnë se deri ku ka shkuar demagogjia e ‘Boratit’

‘Demagogjia kalon çdo limit!

Duke u përpjekur të mburren për “arritjet”, Boratët japin prova çdo ditë për nivelin afrikan ku e kanë katandisur shëndetësinë. Kjo foto e publikuar sot nga vetë ministrja e shëndetësisë mjafton për të qenë turpi i sistemit shëndetësor shqiptar!

Fotoja do të vlente të publikohej, nëse nëna do të kishte një aparat dixhital për matjen e tensionit, leximi do të kalonte online dhe do të interpretohej nga një mjek ose infermier në Qendrën e Telemjeksisë në Tiranë, projekt të cilin ja kam propozuar zyrtarisht ekipit të Boratit në vitin 2014.

Praktika tregoi se vizioni i Boratëve për shëndetësinë arrin deri tek bojatisja dhe demagogjia. Turp!!’