Ermali,një klloun që shërben si sapun i Ramës

Per te disatin vit rradhazi, Ermal Mamaqi hap dyert e emisionit të tij, duke ia kushtuar hapesiren televizive te festave Edi Rames dhe Erion Velisë. Detyra e Mamaqit eshtë t’iu cojë shqiptareve në tryeza, kontrabanduar mes humorit banal dhe batutave bajate, fytyrat e padeshiruara të ketyre dy personave, per të zbutur, mes gezimeve, të festes neverine e pergjithshme që i shoqeron. Mamaqi pranon të behet sapuni që shkumon zhulin fytyrave të tyre të lyrosura nga korrupsioni.

Në klipin e emisionit të fundit, Rama paraqitet sikur po shkon tek Mamaqi i detyruar nga kembengulja e tij e paperballueshme, duke mos e lene të qetë as në dush e ne shtrat, me kerkesen per dialog. Ne fakt, eshte Rama i deshperuar per të dalë në emisionin e tij, qoftë edhe pa brekë, per të zbutur e normalizuar sa të mundet, situaten e menderosur ku ndodhet, ku studentet i kthejnë krahet dhe e peshtyjnë sa herë që ky i del perpara per dialog. Per kete ai eshte gati të bejë cdo lloj marrezie, sepse cdo figurë tjeter, sado qesharake, e cliron sado pak nga kjo ku eshte. Humori, si të gjithë format e tjera te artit eshte dhe duhet të jetë gjithmonë opozitar me pushtetin. Një humorist që pranon ti sherbejë pushtetit eshte vetem një klloun oborri.