“Është vetëm çështje kohe para se Hazard ta fitojë Topin e Artë”

Baba Rahman beson se një ditë, në një të ardhme të afërt – Eden Hazard “do ta fitojë Topin e Artë”.

Sulmuesi i Chelsea, Eden Hazard, është një ndër më të mirët në botë dhe është në gjendje për ta fituar “Topin e Artë”, kështu thotë Baba Rahman, 24-vjeçari i “Bluve të Londrës” i huazuar te Reims, skuadër ku aktivizohet talenti i Kosovës, Arbër Zeneli.

Ai mendon se është vetëm çështje kohe para se Hazard ta bëjë të tijën Topin e Artë.

“Ai është shumë lojtar i mirë, i fuqishëm dhe shumë i rrezikshëm. Mendoj se është një ndër më të mirët në botë aktualisht dhe këtë mund ta shohin të gjithë”, tha Rahman.

“A mund ta fitojë ai Topin e Artë? Me Hazardin gjithçka është vetëm çështje kohe para se Hazard ta fitojë Topin e Artë”.