Fenomeni i hënës, magjeps banorët e Athinës dhe Stambollit

Kamerat kapën imazhe mbresëlënëse të dielën në mbrëmje nga eklipsi total hënor dhe “hëna e përgjakur” e shtatorit edhe në vende të ndryshme të Evropës.

Fenomeni ishte i dukshëm nga shumë pjesë të Evropës, Afrikës, Azisë dhe Australisë, pasi u shoqërua nga një eklips i rrallë total hënor.

Eklipsi i plotë hënor magjepsi turma njerëzish në Athinë, të cilët me shikimin e tyre të ngulur në qiell shijuan spektaklin.

Po ashtu edhe në Stamboll, një fotograf kapi një moment vërtet të bukur kur hëna e shfaq mbi xhami, ku për ironi, gjysmëhëna është simboli i Turqisë.

Nga njëra anë, Dielli, nga ana tjetër, Hëna. Në mes, Toka, të rreshtuar në mënyrë të përkryer. Rezultati: një eklips i plotë hënor, një ngjarje që ndodh kur Hëna hyn tërësisht brenda hijes së planetit tonë.

Po ndodh këtë diel dhe do të jetë e mundur të shihet edhe nga Shqipëria. Ndryshe nga hera e fundit – 16 maj 2022 – nuk duhet të ketë probleme për shkak të reve.

Më konkretisht, sytë duhet të kthehen nga qielli sapo të lindë sateliti ynë, rreth orës 7:30 të mbrëmjes. Hëna do të jetë tashmë pjesërisht i eklipsuar. Momenti më mbresëlënës ndodh në orën 20:20 kur Hëna do të errësohet plotësisht. Fenomeni do të përfundojë pak para orës 23:00, kur sateliti të dalë nga hija.

Pse do të duket e kuqe?

Si gjithmonë në këto raste, gjatë fazës totale të eklipsit (por edhe gjatë fazës së avancuar të pjesshme), Hëna do të marrë një ngjyrë karakteristike dhe elegante bronzi: prandaj është edhe emri “Hëna e Kuqe”.