Fishkëllimat ndaj Ramës, Patozi i jep një këshillë: Mos i trego bilbilit pyllin, por gjej…

Ish-deputeti demokrat Astrit Patozi ka reaguar me nje keshille per kryeministrin Edi Rama, i cili dje teksa fliste ne panarin me te rinjte, u acarua pas fishkellimave pa fund qe disa syresh po benin nga vendi ku ishin ulur.

Postimi i Patozit

MOS I TREGO BILBILIT PYLLIN

I dashur timonier,

Kërkoj ndjesë që e mora vesh me vonesë lajmin për fishkëllimat e djeshme në Pallatin e Sportit. Më falet, gjithësesi, dhe jam i justifikuar në një farë mënyre, se kam qenë i zënë me festimet e Ditës së Rinisë.
Por tani, që e pashë, një këshillë po ta jap. Kur të fillojë ajo lloj muzike, mos u mundo kot t’u tregosh bilbilave ku janë pemët, por përpiqu të gjesh një shteg për të dalë vetë nga pylli.
Se i bie se ka nisur që për ty të këndohet ajo kënga, që kishte interpretuar mbrëmë jo keq Ditmir Bushati “Pranvera filloi me ardhë, dhe bylbyli nis me knu…”