Foto/ U vra me thikë në në Tiranë, del foto e Egli Pashollarit

Përditësuar më 20 Shkurt 2026, 17:24

Identifikohet autori i dyshuar i vrasjes me thikë të Egli Pashollari, ngjarje e ndodhur rreth orës 15:40 në rrugën “Kongresi i Lushnjes”, pranë ish Parkut të Autobusëve në Tiranë.

Sipas burimeve, autori i dyshuar është Gazmend Buçpapa, i cili është identifikuar nga hetuesit, ndërsa vijon puna për kapjen e tij.

Nga informacionet paraprake, sherri ka nisur në trotuar, ku 31-vjeçari është sulmuar nga një grup personash. Më pas, ai ka lëvizur rreth 3–4 metra drejt makinës së tij, ku edhe është rrëzuar i plagosur rëndë.

E gjithë dinamika e konfliktit është filmuar nga kamerat e sigurisë në zonë, pamje që tashmë janë sekuestruar nga policia dhe po analizohen nga grupi hetimor.

Viktima dyshohet se kishte precedentë penalë dhe përmendet si pjesë e grupit “Shullazi”. Policia ka marrë në pyetje disa dëshmitarë që kanë parë konfliktin.

Në njoftimin zyrtar, policia bëri me dije se rreth orës 15:40, gjatë një konflikti, shtetasi me inicialet E.P., rreth 31 vjeç, është goditur me mjet prerës dhe si pasojë e plagëve ka humbur jetën në spital. Hetimet vijojnë për zbardhjen e plotë të ngjarjes.