Francë/ 600 marinarë infektohen nga koronavirusi brenda aeroplan-mbajtëses

Thuajse një e treta e marinarëve që shërbejnë në aeroplanmbajtësen franceze “Charles de Gaulle”, janë të infektuar me Covid-19.

BBC shkruan se 668 persona nga rreth 2 mijë, janë të infektuar me koronavirus.

Pothuajse të gjithë janë në anijen ushtarake, thotë marina. Një frigatë përcjellëse dhe pilotët e transportuesit janë gjithashtu në karantinë.

Transportuesi u kthye në portin francez të “Toulon” pas ushtrimeve në Atlantik. Njëzet detarë janë në spital, në kujdes intensiv.

Gjithsej infeksioni duket se do të rritet, pasi 30% e rezultateve të testit nuk janë bërë akoma.

Marina po heton se sa shumë detarë janë prekur nga virusi. Javën e kaluar transportuesi i aeroplanëve u soll në shtëpi 10 ditë më herët nga vendosja e tij në Atlantik pasi disa marinarë shfaqën simptoma.

Në fillim të këtij muaji, gati 600 raste të koronavirusit u konfirmuan brenda “USS Theodore Roosevelt”, një nga dy transportuesit e avionëve amerikanë në Paqësorin Perëndimor.

Një marinar vdiq më vonë nga Covid-19 në Guam, pasi anija – e cila ka një ekuipazh të përgjithshëm prej 4.800 persona – ishte atje.

Kapiteni i anijes Brett Crozier u pushua nga puna pasi letra e tij duke u lutur për ndihmë për shpërthimin u zbulua në mediat amerikane.