Frenk Riberi është një lojtar i Fiorentinës

Tashmë mund të quhet e kryer, Frenk Riberi është një lojtar i Fiorentinës, dhe pas largimit nga Bajerni, ai do ta vazhdojë karrierën në Itali.

Zyrtarizimi mungon ende, por mediat italiane bëjnë me dije se gjithçka është mbyllur tashmë. Kontaktet e para kanë nisur në fakt që në datën 13 korrik, ndërsa më pas negociatat u bënë konkrete.

Pas punës së drejtorit Prade të klubit vjollcë, si edhe me miratimin e vetë gruas së Riberis, tashmë francezi do të kryejë ditën e nesërme fizitat mjekësore, dhe Vinçenzo Montela mund ta ketë gati për sulmin.

Riberi vendosi të mos rinovojë me Bajernin e Mynihut në fund të sezonit që lamë pas, dhe u gjend pa një ekip, edhe pse ofertat nuk i mungonin. Më kontrete, ishte ajo e PSV, e cila drejtohet nga shoku i tij, Van Bomel, por në fund, ai zgjodhi të vijojë karrierën tek Fiorentina, duke qenë një vlerë e shtuar për kampionatin italian.