Fuga: Zgjedhjet e parakohshme në favor të mazhorancës

Teksa mazhoranca dhe opozita kanë rënë dakord për reformën zgjedhore, akademiku i njohur Artan Fuga thotë se zgjedhjet e parakohshme parlamentare janë tërësisht në favor të qeverisë.

Reagimi i plotë:

Zgjedhjet e parakohshme sigurisht tani janë në favor të qeverisë

Dëgjova një kryetar partie opozitare që u shpreh se kompromisi për kodin zgjedhor ka sens nëse bëhen zgjedhjet e parakohshme këtë pranverë.

Zgjedhjet e parakohshme tani janë tërësisht në favor të qeverisë dhe në dëm të opozitës.

Kjo e thënë ftohtë dhe me neutralitet.

Ndoshta deputetët e opozitës nxitohen të rihyjnë në Kuvend sepse helbete u bë kohë pa punë, por sa për rezultatin politik të zgjedhjeve të parakohshme, e sigurt që është në shërbim të qeverisë.

Hapi më i zgjuar i qeverisë do të kishte qenë pikërisht shpërndarja e këtij parlamenti kukull dhe mjaft karagjoz.