Gjermani/ Sekuestrohen 35.5 ton kokainë

Një megaoperacion ëhstë zhvilluar nga autoritetet gjermane ku janë kapur 35.5 ton kokainë me vlerë 2.6 miliardë euro.

Kjo ishte goditja më e madhe ndonjëherë kundër krimit të organizuar të drogës në Gjermani. Me ndihmën e hetuesve ndërkombëtarë, doganat dhe policia sekuestruan 35.5 ton kokainë me vlerë rreth 2.6 miliardë euro!

Shtatë persona u arrestuan. Mega-sasia e kokainës u transportua në mënyrë të sigurt nga tanket e policisë në objektet e magazinimit sekret dhe më pas u shkatërrua në qendër në një fabrikë për djegien e mbetjeve në Shtutgart.

Foto e marre nga BILD

Operacioni gjigant u drejtua nga njësia e posaçme gjyqësore për ndjekjen penale të krimeve të organizuara në North Rhine-Westphalia (ZeOS NRË).

Kreu i bandës së drogës ishte shtetas turk. Në total janë tetë autorët kryesorë: dy gjermanë (43 dhe 54 vjeç), një shqiptar (42-vjeç), një bullgar (30-vjeç), një maroken (42-vjeç), dy turq (37 dhe 38-vjeç) dhe një ukrainas (36-vjeç).

Banda sillte kokainën në Evropë nga Amerika Latine në dhjetë kontejnerë me më shumë se 100 kompani.

Foto e marre nga BILD

Kokaina ishte fshehur mes arkave me ananas, dërgesave me dru dhe thasëve me fara susami. Tre ton u kapën në Ekuador, tetë ton në portin e Roterdamit dhe pothuajse 25 ton në portin e Hamburgut.

U ekzekutuan shtatë urdhër-arreste, dhe u sekuestruan një armë bosh dhe një armë zjarri Glock, si dhe pesë shufra ari, para cash (vlera: 23,300 euro) dhe një Porsche 911 Turbo S (vlera 250,000 euro).