Greqi: Bllokohet autostrada, mbyllen shkollat, dy të vdekur

Shkollat në rajonin e Atika në Greqi do të qëndrojnë të mbyllura të hënën deri në orën 10:00 të mëngjesit për shkak të problemeve të shkaktuara nga një stuhi, njoftoi Kathimerini të hënën.

Problemet kanë qenë serioze dhe kanë çuar në vdekjen e dy personave në Antirrio, në Greqinë perëndimore.

Autoritetet thanë se autostrada për në Athinë pritet të hapet më vonë gjatë paradites, ndërsa segmenti për në Korint midis orës 12-13:00 në mesditë.

Punëtorët e shpëtimit nxorën trupat e dy personave nga deri në Antirrio, që ishin në një varkë të vogël që u përmbys.

Një media tjetër,  Protothema,  njofton se “thuajse e gjithë Greqia është kapluar nga një stuhi e madhe që ka lënë pas rrugë të përmbytura, shtëpi të zhytyr nën ujë dhe zjarrfikësit që po përpiqen të shpëtojnë civilët që janë bllokuar brenda banesave.

Probleme të mëdha  kanë çuar në mbylljen e autostradës Athinë-Korinth, ku deti u fry dhe arriti të futet deri në rrugët e qytetit.  Autoritetet evakuan shtëpitë në plazhe.