Guvernatori Gent Sejko, “zar” i bankës ‘ruse’ “Raiffeisen Bank”

Gent Sejko është shkëputur si drejtues bordi i kësaj banke, dhe si guvernator duhet ta mbikëqyrë, t’i ndalojë abuzimet e ta penalizojë me gjobë sa 10% e xhiros vjetore e bllokim aktiviteti, por mafiozët e kësaj banke, për shkak të punëve të pista që kanë bërë bashkë, vazhdojnë ta trajtojnë si vartës të bindur, duke i diktuar vendimet e Bankës së Shtetit në favor të tyre…

Po përmendim dy fakte:

1. Pasi “Raiffesien Bank” u vendos edhe në Moskë, u bë banka më e preferuar dhe e besuar e mafies shtetërore e oligarkike të Rusisë, si dispeçeri e miliardave që vërtiten rreth “centrifugës” financiare të Putinit e aleatëve të tij në Azi, vendet Arabe, Afrikë, Ballkan e së fundi në Shqipëri.

2. Kur Ukraina u sulmua, SHBA-BE kërkuan që “Raiffesien Bank” të largohej nga Moska, por ajo vazhdon të jetë atje dhe po shërben si banka e miliardave që Rusia dhe aleatët e saj, po përdorin kundër Ukrainës, madje administron llogaritë e grupit “Vagner” të Prigozhin.

Ndërsa në Shqipëri, “Raiffesien Bank” ka mbështetje të fortë brenda Bankës së Shtetit; konkretisht guvernatorin Gent Sejko, i cili deri para emërimit në korrik 2014, ishte drejtues i Bordit të “Raiffeisen Leasing”, strukturë kryesore e kësaj banke, që administron portofolin e kredive, kontratave e qiradhënieve.

Gent Sejko është shkëputur si drejtues bordi i kësaj banke; dhe duhet ta mbikëqyrë “Raiffesien Bank”, t’i ndalojë abuzimet e ta penalizojë me gjobë 10% të xhiros vjetore e bllokim aktiviteti, por mafiozët e kësaj banke, për shkak të punëve të pista të bëra bashkë, vazhdojnë ta trajtojnë si vartës të bindur, duke i diktuar vendim-marrjet e Bankës së Shtetit në favor të tyre…

Sipas burimeve nga Ministria e Financave, të marra nga Autoriteti i Mbikëqyrjes Financiare, rezulton se normat e interesit që shpallë guvernatori Gent Sejko, ia diktojnë bosët e “Raiffesien Bank” në çdo 3 muaj sipas interesave të tyre.

Edhe rënia e monedhës Euro, nuk ka si shkak forcimin e lekut për shkak të rritjes ekonomike, por skemat e zhvlerësimit që sajon e kalkulon “Raiffesien Bank”, skema të cilat, ia dikton guvernatorit Gent Sejko, që Banka e Shtetit të mos ndërhyjë për aq kohë sa do “Raiffesien Bank”, ose të ndërhyjë kur e urdhëron ajo.

Për shkak të lidhjeve në interesa me guvernatorin Gent Sejko, struktura “RAIFFEISEN LEASING” është “gropa e zezë” bankare e kredive në Shqipëri, që po zhvat qytetarët me ndryshime kursi monedhash, shtime komisionesh etj.

Në shërbim të aktivitetet mafioz të kredive të “Raiffesien Bank”, guvenatori Gent Sejko ka licencuar 4 agjenci me familjarë e të besuar të tij, nëpërmjet të cilave, kjo bankë transferon, grumbullon dhe ekzekuton kreditë.

Aktiviteti kryesor i “RAIFFEISEN LEASING” me agjencitë fantazma që ka licencuar Gent Sejko, është zhvatja financiare dhe sekuestrimi i pasurive të klientëve me dosje kreditimi false, numri të cilave në vitet 2015-2023 është 11 mijë e 200 persona e biznese.

Ndërsa përgjegjësinë për këto vjedhje, “Raiffesien Bank” e heq nga vetja dhe ia lë pronarëve gjoja anonim të 25% aksione të “Raiffeisen Leasing”, kur realisht “Raiffesien Bank” është 100% pronare, ndërsa pjesa 25% është e “Leasing International Gesellsvhaft m.b.H.” strukturë e saj.

Por Banka e Shtetit është bërë palë më të në fshehjen e pjesës tjetër; për të kryer punët e pista nën maskën e saj, me qëllim që qytetarët dhe bizneset e mashtruar e grabitur, të mos kenë asnjë mundësi për të kërkuar të drejtën, ndërsa agjencitë sekuestruese të Gent Sejkos, thonë se janë vetëm ekzekutuese të kredive.Pamfleti