Horror në Berat, xhaxhai përdhunon mbesën 15-vjeçare

Një ngjarje e rëndë është regjistruar në Berat, ku një 39-vjeçar është arrestuar nga policia, i dyshuar për abuzim seksual.

Sipas informacioneve, në pranga ka rënë Sabri Likaj, ndërsa viktima është një vajzë 15 vjeçe, e cila rezulton të jetë mbesa e tij, vajza e vëllait.

Burime bëjnë me dije se të dy jetonin në të njëjtën banesë, rrethanë që dyshohet të ketë ndikuar në kryerjen e kësaj vepre të rëndë. Pas denoncimit të rastit, strukturat e policisë kanë ndërhyrë menjëherë, duke bërë të mundur arrestimin e autorit të dyshuar.

E reja po merr ndihmën e nevojshme mjekësore dhe mbështetje psikologjike, ndërsa autoritetet vijojnë hetimet për të dokumentuar plotësisht ngjarjen dhe për të sqaruar çdo rrethanë të saj.

Materialet procedurale i janë referuar prokurorisë për vijimin e veprimeve të mëtejshme ligjore.