I arrestuar për korrupsion pasiv, Safet Gjici kundërshton burgun në Apel

Arrestimi i Gjicit erdhi pas publikimit të videoskandalit, ku shihej në momente intime në zyrën e tij të Bashkisë Kukës me një grua të identifikuar si Alma Kaçi. Gjici tashmë i arrestuar për akuzën e korrupsionit pasiv të funksionarëve vendorë, ka ankimuar masën e arrestit me burg.

Avokati mbrojtës i ish-kryebashkiakut Gjici ka ankimuar masën e arrestit në gjykatën e apelit me argumentin se tenderi që flitet në video nuk është shpallur asnjëherë nga bashkia e Kukësit dhe se Gjici nuk ka kryer asnjë shkelje të ligjit.