“Ik o hajdut ik”, mjeku Edmond Gashi largohet me vrap nga Gjykata (Video)

Pasi u la në arrest shtëpie nga Gjykata, mjeku Edmond Gashi i përfshirë në skandali te Onkologjiku është larguar me vrap për t’iu shmangur gazetarëve…

https://www.instagram.com/reel/C8t656oth5I/?igsh=MzRlODBiNWFlZA==

Gjykata e Tiranës ka lënë në fuqi masën e sigurisë “arrest shtëpie” për mjekun Edmond Gashi, i cili akuzohet për “shpërdorim detyre” në skandalin e Onkologjikut.

Ai u paraqit në gjykatë rreth orës 10:30, ndërsa në hyrje ku e prisnin gazetarët nxitoi për t’iu shmangur dhe tha: Bëj vetëm punën.

Ndërkohë, pas gati 100 minutash në gjykatë, ai doli nga ana e pasme, aty ku kalojnë vetëm gjyqtarët e prokurorët, ndërsa vrapoi për t’iu ikur gazetarëve.

“Ik o hajdut ik”, i drejtohet një nga personat që e filmon në pamjet e siguruara për mediat.

Gjykata Penale e Tiranës la në fuqi masat e sigurisë për mjekët dhe specialistët e Onkologjikut, të cilët dyshohet se drejtonin pacientët me sëmundje tumorale drejt klinikave private.

Sipas Prokurorisë, këta persona, në bashkëpunim me njëri-tjetrin kanë “shpërdoruar detyrën”. Në përgjime, dolën duke iu mohuar pacientëve shërbimin në shtet dhe i drejtonin drejt privatit.

Kujtojmë se sipas hetimeve që ka kryer Prokuroria e Tiranës mbi skemën kriminale, ku përfshihen bluzat e bardha, rezulton se Gashi i ka drejtuar pacientët e sëmurë me kancer te klinika e tij private në Astir.