Iker Kasijas tërhiqet nga futbolli i luajtur, ja me se do merret në të ardhmen

Iker Kasijas eshte tërhequr përfundimisht nga futbolli i luajtur, por jo nga futbolli.

Ish-portieri i Realit dhe Spanjës, para dy muajsh pësoi një atak të zemër, i cili i rrezikoi seriozisht jetën dhe e detyroi atë të heqë dorë nga futbolli i luajtur.

Spanjolli me shumë mundësi kur të kalojë totalisht traumën që pësoi, mund të rikthehet te Porto, por jo si lojtar, por si pjesë e stafit.

“Do të bëj diçka ndryshe nga ajo që kam bërë në fushë. Do të përpiqem të jem lidhja mes ekipit dhe klubit. Misteri më tha se donte që të qëndroja me ekipin, pranë lojtarëve, pranë futbollistëve më të rinj, sepse do të ketë shumë ndryshime. Do të përpiqem të bëjë më të mirën për shokët e mi”, ka thënë Kasijas.