Ironia e Dritan Hilës:Shqipëria në krah të miqve tradicionalë Kongo, Xhibuti…

Shqipëria votoi kundër një vendimi të Presidentit amerikan, Donald Trump në OKB, për njohjen e Jeruzalemit si kryeqytetin e Izraelit, duke mbështetur një rezolutë të propozuar nga Turqia.

Vendimi shkaktoi debate të shumta në politikën shqiptare, ndërsa Ministria e Jashtme tha se ai ishte në përputhje me qëndrimin e BE-së. Megjithatë kjo e fundit, sikundër rezultoi nga votimi, nuk kishte një qëndrim të prerë , pasi vende anëtare të BE-së abstenuan.

Analisti Dritan Hila përmes një postimi në rrjetet sociale ka ironizuar qëndrimin e mbajtur nga Shqipëria.

“Meqënëse shqiptarët i ka zënë namuzi se nuk e shikonin dot veten të rreshtuar krahas Togos, Ishujve Marshall etj që i kryesonte SHBA, duhen përgëzuar se u rreshtuan kahas miqve tradicionale të tyre si Jemeni, Pakistani, Nigeria, Zimbabve, Senegali, Burkina Faso, Kongo, Xhibuti, Greqia, Serbia etj të kryesuara nga Turqia”, shkruan Dritan Hila.