Ish-deputetja e PD-së: Gënjeshtarëve iu mungon cipa…

Ish deputetja e Partisë Demokratike, ka publikuar një video me deklaratat e kryetarit të Bashkisë, për të cilin thotë se ende nuk po bën transparente procedurat e tenderit për ndërtimin e shkollës Sami Frashëri.

 

“Një javë me rradhë kam pyetur EV për pretendimin se fondet e BE për tërmetin do ndërtojnë shkollën Sami Frashëri. Ai hesht dhe fyen. Faktet?! Shkolla “Sami Frashëri” nuk do ndërtohet me fondet e BE. Atëherë përse gënjeu dhe gënjen? Ngaqë do të fshehë të vërtetën që thërret në mes të sheshit.

EV sot e kësaj dite nuk ka bërë ende transparente procedurat e tenderit.

Gënjeshtra ka hundën e gjatë dhe këmbët e shkurtra. Fatkeqësisht gënjeshtarët kanë gjuhën e gjatë dhe iu mungon cipa!”, shkruan Tabaku në postimin e saj në rrjetet sociale.