Ish-drejtoresha hajdute e grupit 5D merr fonde nga Bashkia e Vlorës?!

Deborah Keçi është ish-drejtoresha hajdute në Bashkinë Tiranë, pjesë e grupit 5D, e cila aktualisht është me detyrim paraqitje dhe e përjashtuar nga detyra si drejtoreshë e Klubit Sportiv Tirana nga SPAK.

Mirëpo, pavarësisht se është në këto kushte, drejtoresha e njohur për jetën e saj të luksit duket se vazhdon që të marrë para të shqiptarëve dhe këtë herë nga bashkia e Vlorës. Deborah Keçi është organizatore e Triathlon Vlorë dhe këtë e tregon me shumë krenari në rrjetet e saj sociale.

Fondi për organizimin e kësaj ‘gare’ është dhënë nga bashkia e Vlorës dhe Deborah është një nga organizatorët. Këtë herë, e ndjerë në rrezik, ajo nuk ka regjistruar emrin e saj, por një të njohurin e saj.

Ish-drejtoresha hajdute, sipas publikimeve në rrjetet sociale, bën thirrje që të marrin pjesë sa më shumë sportistë në këtë garë, ndoshta dhe për të pastruar disi emrin e saj. Nga ana tjetër, përfshirja e saj në projekt, është edhe një karshillëk ndaj organeve të drejtësisë, që e kanë përjashtuar nga funksionet publike, por duket se ajo sërish ka gjetur mënyrat për të marrë para të qytetarëve shqiptarë.

Kur Tirana ka qenë qyteti europian i sportit, Deborah ishte organizatorja kryesore dhe në atë kohë ka marrë shumë para nga bashkia Tiranë për të organizuar këtë projekt.