Ish-Presidenti Trump thirrje mbështetësve të tij: Nuk mund të qëndroni në shtëpi

Ish-presidenti Donald Trump u bëri thirrje mbështetësve që të sfidojnë temperaturat e parashikuara nën zero të hënën dhe të votojnë për të në zgjedhjet presidenciale republikane në Iowa.

Duke folur në një ngjarje të fushatës të dielën në mbrëmje, Trump portretizoi perspektivën e kthimit të tij në Shtëpinë e Bardhë si “një gjë për të cilin njerëzit edhe duhet të vdisnin”, raporton Business Insider

“Nuk mund të qëndrosh në shtëpi”, citohet të ketë thënë Trump duke ngritur zërin. “Nëse je i sëmurë, thua: ‘O Zot, duhet ta bëj’. Edhe nëse voton dhe më pas vdes, ia vlen”.

“Nëse je i sëmurë, nëse je kaq i sëmurë, nuk mundesh… e dashur, nuk mendoj se mundem… Çohu. Çohu. Çohu, do të votosh”, tha më tej Trump duke imituar një grua që i kërkon të shoqit të votojë.