Itali, stuhi dhe përmbytje në pjesën veriore nga moti i keq

Veriu i Italisë është goditur nga një stuhi që shkaktoi rrëshqitje dheu dhe përmbytje, si pasojë e së cilës u ndalua qarkullimi hekurudhor, ndërsa në disa vende u mbyllën shkollat.

Stuhia goditi rajonin veriperëndimor të Liguria.

Dy fluturime për në Genova u devijuan në Piza dhe Torino, dhe fluturimet nga Roma dhe Piza u devijuan për në Catania ose u anuluan.

Alarmi portokalli u aktivizua në Emilia Romagna dhe qytetin port të La Spezia, ku shkollat u mbyllën, raporton Stampa.

Stuhia do të prekë Lombardinë dhe Toskanën, thanë shërbimet kompetente.

Vëmendja është përqendruar në provincat e Parmës dhe Piacenza-s dhe në zonat malore dhe kodrinore të provincës Reggio Emilia.

Në Milano është aktivizuar alarmi i verdhë i motit për shkak të rrezikut të përmbytjes së dy lumenjve Seveso dhe Lambro.