Italia nuk fiton dot, Botërori kthehet në makth përmes play-off, Zvicra shkon në Katar 2022

Kthehet makthi i Italisë për t’u kualifikuar në Botëror. Ashtu si përpara Botërorit në Rusi 2018 kur me Ventura, në playoff ndaj Suedisë, skuadra axurre nuk arriti të shkonte në eventin e madh historik, edhe tani, në mars, duhet të kalojë përmes playoff për të shkuar në Katar.

Një zhgënjim total për kampionët e Europës, që në Irlandën e Veriut bllokohen me rezultatin 0-0 dhe Zvicra, në anën tjetër, bombardoi Bullgarinë me rezultatin e thellë 4-0 duke festuar një kualifikim të merituar.

Një kualifikim që erdhi nga këmbët e Jorginho, që humbi penallti vendimtare ndaj Zvicrës. Shaqiri & Co fituan sonte në pjesën e dytë 4-0 me golat e Okafor, Vargas, Itten dhe Freuler.