Juve fiton , Ronaldo humb penallti

Juventus nuk njeh kundërshtar pasi ka mposhtur me lehtësi Chievon në ndeshjen e vlefshme për javën e 20-t në Serie A.

“Zonja e vjetër” ka triumfuar 3-0, ndërsa golat u shënuan nga Douglas Costa, Emre Can dhe mbrojtësi Daniele Rugani i cili vulosi rezultatin e këtij takimi.

Vlen të theksojmë që në minutën e 52′ ishte Cristiano Ronaldo ai i cili gaboi nga pika e bardhë e penalltisë. Ishte portieri 39-vjeçar i Chievos, Stefano Sorrentino ai i cili lexoi dhe e priti gjuajtjen e portugezit.

Me këtë fitore “biankonerët” ngjiten në kuotën e 56 pikëve, duke lënë pas Napolin me 9 pikë më pak.