Ka shkuar në 33 numri i të infektuarëve me koronavirus në Shqipëri

Mes të infektuarëve është edhe një 66 vjeçar nga Patosi, i cili u kthye nga Italia në datën 3 mars.

66 vjeçari raportohet te ketë qenë në të njëjtin avion me 73 vjeçaren nga Durrësi, që ndërroi jetë për shkak të koronavirusit.

Pas mbërritjes në Shqipëri, 66 vjeçari ka udhëtuar me një fugon nga Tirana në Fier, dhe më pas me një tjetër fugon nga Fieri në Patos, thotë gazetarja e abcnews.

Ai ka marrë pjesë edhe në një festë në nëj lokal në mes të qytetit të Patosit, ku ka festuar ditëlindjen e nënës së tij.

Autoritetet janë duke bërë një listë të personave që kanë patur kontakt me 66 vjeçarin.

Ky i fundit nuk është ndjerë mirë 3 ditë më parë dhe ka shkuar në farmaci të kërkojë medikamente.

Duke qenë së gjendja nuk po përmirësohej ai i është drejtuar në drejtorinë e Shëndetit Publik, ku ka kryer analizën dhe ka rezultuar pozitiv me koronavirus.

Më pas është nisur drejt spitalit Infektiv në Tiranë, ndërsa gjendja e tij paraqitet e stabilizuar.