Presidenti i SHBA Donald Trump vijon ende të kontestojë rezultatin e zgjedhjeve presidenciale të mbajtura më 3 nëntor. Madje, ashtu siç kishte premtuar stafi i tij ka nisur betejën ligjore për të qëndruar në Shtëpinë e Bardhë.
“Këto zgjedhje nuk kanë mbaruar”, tha sekretarja e shtypit e Shtëpisë së Bardhë Kayleigh McEnany. Ajo bëri një mori akuzash për korrupsion zgjedhor, megjithëse nuk ka dalë asnjë provë e mashtrimit sistematik që mund të ketë ndikuar në rezultat.
Qëkur media projektoi të shtunën se Biden kishte fituar shtetin kritik të Pensilvanisë, duke grumbulluar mjaft vota për të kërkuar Shtëpinë e Bardhë, presidenti i zgjedhur ka ecur përpara me planet e tij për të marrë pushtetin.
Trump shkoi në Twitter përsëri të hënën për të kontestuar rezultatin, duke bërë pretendime të pabazuara të veprimtarisë “të pamendueshme dhe të paligjshme” në votim.
Administrata e Shërbimeve të Përgjithshme, e cila menaxhon agjencitë federale, ka ndaluar lejimin e ndihmësve të Bidenit që zyrtarisht të fillojnë tranzicionin, duke thënë se nuk është bërë ende asnjë “konstatim” për një fitues të zgjedhjeve.
