Kasta politike mafioze e Tiranës dhe zhvillimet e politikës ndërkombëtare

Ndryshimi apo lëkundja e prioriteteve amerikane për Ballkanin Perendimor, po e nxit mafien e Tiranës të investojë fuqimisht tezat e shovinizmit sllav të afërt dhe të largët nëpërmjet provokatorëve të saj imoralë, dhe kazanit të qelbur mediatik te investuar prej parave te drogës dhe të hashashit. Kjo valë mediatike e sponsorizuar ndyrësisht herë për të përçarë shqiptarët e Shqiperisë me ata te Kosovës (bazuar mbi histori ordinere hotelesh e ofendimesh) e herë për ta trajtuar Kosovën si një “gjyle” që mban peng këmbët e Tiranes zyrtare është e projeksion i llumit politik, ekonomik dhe mediatik te Tiranes e porositur nga kasta mafioze.

Shqiptarët janë të hapur për marrëdhënie të shkëlqyera me fqinjët dhe me këdo popull në botë që u ofron atyre miqësi, por kjo nuk mund të ndodhë kurresesi në kurriz të të drejtave të tyre historike që nuk ka fuqi në botë t’ua mohojë. Nëse nuk zgjohemi sot, këndej dhe matane kufirit, mafiozet imoralë e provokatorë me pantallona të kuqe, janë të gatshëm t’iu shpien në ferr dhe ta shesin këtë vend. Tani po masin pulsin dhe po pergatisin terrenin (shtratin kulturor dhe ideologjik) të kurthit të madh!