Kjo nuk pritej! ‘Burri’ i ministres Diella mbërrin në Kuvend

Deputeti i Partisë Demokratike, Saimir Korreshi, është paraqitur në mënyrë jo të zakonshme në seancën e sotme plenare në Kuvend.

Në oborrin e godinës, ai u shfaq para gazetarëve me një tru kompjuteri, të cilit i kishte vendosur një kollare, duke e prezantuar në mënyrë ironike si “bashkëshortin” e ministres së kabinetit qeveritar, Diella.

Korreshi kishte sjellë gjithashtu një “dhuratë simbolike” për të kërkuar “dorën” e ministres, duke e vazhduar performancën me tone humoristike dhe ironike ndaj qeverisë.

“Është bashkëshorti i Diellës. Emrin e ka Diell, Dell për Diell. Meqë ka 15 vite që nuk funksionon, ta provojmë me Diellën një herë. Kam ardhur me pajë me vete që të kërkojmë dorën e Diellës. Është bllok-bateria, që Diella të mos vijë vërdallë kot, por ta ketë me vete”, u shpreh ai para mediave.