Kodi zgjedhor dhe ‘PRONARËT’ e partive

Ceshtja e kodit zgjedhor nuk eshte fare pune e popullit, eshte pune e partive! Jane partite qe kane nevoje per rregulla per te garuar ne zgjedhje, jo populli. Mirepo, partite kane vite që nuk merren me punet e popullit- politika Kombetare: zhvillimi, ekonomike, financash, infrastrukturash, etj- por merren me punet e tyre (partive) dhe kjo eshte nje nga ato! Kodet zgjedhore jane 5 me shume e 5 me pak te gjitha njesoj, ceshtja e vertete eshte dinjiteti i individit ne raport me ceshtjet individuale dhe shoqerore- nje shoqeri ku individi shet voten e tij, e jep falas ate per vendin e punes ne shtet te fqinjit apo kusheririt, nuk e ndihmon dot asnje kod! Per te mos folur per moralin dhe dinjitetin e antareve te partive, sepse ne fund te fundit nuk eshte Kodi qe lejon Kryetaret te bejne listat zgjedhore, por antaret qe perbejne organizmat drejtuese te partise, bile e gjithe antaresia. Deputetet e rinj qe jane akoma ne Kuvend, ne listen Basha ishin, por nuk i pengoi ky shkak te thyenin vendimin e partise, qe do te thote se edhe me kete kod zgjedhor, kush do te kundeshtoj kundeshton, bile edhe kur nuk ka te drejte.

Tre jane grupet qe shprehen se e gjithe situata politike ne vend qenka ceshtje kodi zgjedhor: disa deputete te rinj qe thyen vendimin politik te partise per te dale nga Kuvendi, te cilet kane nevoje per nje “ceshtje te madhe” per tu justifikuar para masave votuese dhe per tu faktorizuar ne te ardhmen; neokomunistet qe bejne sikur ngaterojne kodin zgjedhor me sistemin politik, te cilet jane te interesuar te ngulisin ne mendjen e njerezve konceptin ‘ndryshim sistemi’, pra nje gje e stermadhe qe “rezon” ne diskurs kete demokraci hibride qe kemi pa na thene se ne favor te kujt sistemi/regjimi(?); dhe nje mase e gjere e njerezve qe me te drejte jane te raskapitur dhe e vetmja gje qe duan te degjojne eshte nje “zgjidhje” e thjeshte politike tju zgjidhi te gjitha hallet qe kane, brenda nates.

Halli vertet me i madh i Shqiperise eshte mungesa e politikes dhe idelogjikes brenda partive, qe do te mund te identifikoje thelbin e halleve te verteta te njerezve dhe tju jepte zgjidhje atyre me plane, programe e projekte konkrete. Sepse politika dhe partite si instrumete te saj, nuk krijohen te zgjidhin hallet e tyre po hallet e grupeve shoqerore qe perfaqesojne ne politik. Por idologjia ndikon edhe ne zgjidhjen e halleve te partive. Sepse, eshte mungesa e politikes dhe ideologjise qe prodhojne politika zhvillimi, arsyeja e vertete edhe e kthimit te partive ne banda te kryetareve. Sepse nje organizim/bashkim vullnetar kerkon besnikeri/unitet e cila: ne rastin e partive pa ideologji kthehet ne besnikeri/unitet ndaj kryetarit karizma dhe fuqia e te cilit eshte instrumenti perbashkues drejt “rezimit” te kundeshtarit ; kurse ne rastin e partive ideologjike besnikeria/uniteti eshte ndaj vlerave, parimeve dhe ideve te partise, dhe ky bosht nxjerr jashte loje cdo kryetar qe i shkel apo anashkalon keto vlera e parime, dhe con partine politike ne mobilizimin logjik e moral te votes se votuesit qe e gjen veten te programi politik i saj.