Komisioni i Monitorimit të Reformës në Drejtësi: ‘Ligjet’ komision për Bujar Sheshin. Zbardhen rekomandimet për KLP-në dhe Prokurorinë

Komisioni i Monitorimit të Reformës në Drejtësi ka reaguar pas deklaratave të anëtarit të Këshillit të Lartë të Prokurorisë, Bujar Sheshi, i cili akuzoi politikën dhe disa qarqe të saj se po i ushtrojnë presion mafioz, duke e etiketuar atë si “ish-sigurims”.

Në një rekomandon depozituar komisionit të ligjeve, KLP-së dhe Prokurorisë së Përgjithshme, kërkohet vënia e lëvizje e këtyre institucioneve lidhur me rastin në fjalë.

Rekomandimi për komisionin e ligjeve është mbledhja e një seance të posaçme ku të thirren anëtarët për Informimin mbi dokumentet e ish-Sigurimit të Shtetit për të kërkuar:

• Shpjegime dhe analizë të plotë, shkaqet dhe arsyet e vonesës në shqyrtimin edhe verifikimin e rastit.
• Raport të plotë për afatet e shqyrtimin dhe kthim të përgjigjeve, për të gjitha kërkesat e marra nga Autoriteti për verifikimin e kandidaturave në zbatim të dispozitave të ligjit.
• Raportim të detajuar, për raste të tjera kur Autoriteti megjithë kapërcimin e të gjitha afateve, nuk i ka kthyer ende përgjigje institucionit kërkues, në veçanti kur kërkesa është në funksion të ngritjes së organeve të reja të qeverisjes së drejtësisë, si në rastin e zotit Sheshi.

Këshillit të Lartë të Prokurorisë Mbledhjen i rekomandohet mbledhja e menjëhershme për shqyrtimin e rastit, vlerësimin dhe vendimmarrjen, në kushtet e dispozitave të Kushtetues dhe Ligjit Nr.115/2016 “Për Organet e Qeverisjes së Sistemit të Drejtësisë.”

Ndërsa Prokurorisë së Përgjithshme i rekomandohet të referojë masat e marra menjëherë pas marrjes dijeni të vendimit të Autoritetit për Informim.