KQZ ‘hap thesin’, ja sa para përfiton secila parti

Komisioneri Qëndror i Zgjedhjeve ka njoftuar shumat monetare që përfitojnë subjektet zgjedhore që nuk kanë përfituar nga paradhënia për zgjedhjet e 11 majit 2025.

Fondi i vendosur në dispozicion nga buxheti i shtetit për financimin e fushatës zgjedhore të partive politike pjesëmarrëse ishte 150 milionë lekë.

Partitë që përfitojnë nga fondet paszgjedhore janë partitë që nuk kanë përfituar fonde paradhënëse dhe kanë marrë jo më pak se 1% të votave, në rang vendi.

Subjektet zgjedhore pjesëmarrëse në zgjedhjet e 11 majit 2025, të cilat përfitojnë kompensim paszgjedhor janë:

• Lëvizja “Bashkë” në vlerën 2 milionë e 307 mijë e 418 lekë.
• Partia “Lëvizja Shqipëria Bëhet” në vlerën 3 milionë e 834 mijë e 362 lekë.
• Partia “Mundësia” në vlerën 4 milionë e 601 mijë e 488 lekë.
• Koalicioni Euroatlantik në vlerën 1 milionë e 963 mijë e 190 lekë.