Krujë, babai aksidenton për vdekje 4-vjeçaren në biznesin e tij

Një ngjarje e rëndë ka ndodhur sot në qytetin e Krujës, ku një vajzë e mitur, vetë 4 vjeç ka humbur jetën si pasojë e një aksidenti brenda ambienteve të një biznesi familjar. Dyshohet se automjeti i drejtuar nga i ati ka përplasur vajzën aksidentalisht.

Njoftimi:

Krujë/Informacion paraprak.

Me datë 23.07.2025, në zonën e Qerekës, automjeti me drejtues shtetasin A. S., dyshohet se në ambientet e biznesit të tij, aksidentalisht ka përplasur vajzën e tij të mitur, rreth 4 vjeçe, e cila ka ndërruar jetë në spital.

Grupi hetimor po punon për sqarimin e rrethanave të aksidentit dhe dokumentimin e plotë të rastit.