Kryeministri Rama merr kontrollin mbi emërimet e ambasadorëve

Kryeministri Edi Rama ka vendosur të marrë në dorë emërimin e ambasadorëve, duke shmangur Kuvendin. Historikisht, kandidatët për ambasadorë dilnin përpara Komisionit të Jashtëm për t’u shqyrtuar përpara dekretimit nga Presidenti. Me ligjin e ri për shërbimin e jashtëm, kryeministri propozon emrat direkt te Presidenti, dhe ambasadorët paraqiten në Kuvend vetëm pasi të jenë emëruar.

Ndryshime të tjera përfshijnë zgjatjen e mandatit të diplomatëve nga 3 në 4 vite dhe ruajtjen e mundësisë për emërime nga jashtë sistemit diplomatik, duke lejuar përzgjedhjen e personaliteteve të shquara për pozicionet kyçe. Kjo lëvizje ngjall shqetësime për rritjen e kontrollit të qeverisë mbi shërbimin diplomatik dhe emërimet me bazë klienteliste.