Ksamil/ 37-vjeçari, përdorues i lëndëve narkotike gjendet i pajetë në shtëpi

Një 37-vjeçar në Ksamil është gjetur i pajetë në shtëpinë e tij.

Policia thotë se 37-vjeçari me iniciale L.P ishte përdorues i lëndëve narkotike dhe vdekja mund të jetë për shkaqe natyrale.

Në trupin e viktimës nuk janë konstatuar shenja dhune.

Njoftimi i policisë:

Ditën e djeshme, është gjetur pa shenja jete dhe pa shenja dhune, në banesën e tij, në Ksamil, shtetasi L. P., 37 vjeç. Nga hetimet paraprake, 37-vjeçari që ka qenë përdorues i lëndëve narkotike, dyshohet se e ka humbur jetën, prej shkaqeve natyrale. Vijon puna për të dokumentuar ligjërisht shkakun e kësaj ngjarjeje. Materialet procedurale i kaluan prokurorive, për veprime të mëtejshme.