Përditësuar më 28 August 2023, 09:15

Sot demokratët kuksianë kanë votuar për kandidatin e tyre për bashkinë, i cili do të garojë në 24 shtator, në zgjedhjet e parakohshme pas skandalit seksual të Safet Gjicit.

Pas përfundimit të numërimit të votave në Kukës, demokratët kukësianë zgjodhën me votën e tyre zotin Emri Vata si kandidatin e opozitës për zgjedhjet vendore të datës 24 shtator 2023 nëpërmjet një procesi të qetë e transparent!

Ndërkohë që pas përfundimit të procesit të numërimit të votave ka folur për mediat kandidati fitues i dalë nga primaret e Partisë Demokratike.

Emri Vata pas falënderoi ata që e votuan u bëri thirrje të gjithë për një fushatë qytetare.

“Sot është një ditë e shënuar për PD Kukës pasi futemi në një fushatë zgjedhore për ta fituar atë bindshëm dhe për të ndryshuar faqen e Kukësit”.

“Në do të kemi mbështetjen e zonës gri të Kukësit”, tha ai.

Intervsita e plotë:

Njoftim për shtyp

Komisioni i Organizimit dhe Kontrollit të Operacioneve Elektorale të Partisë Demokratike ndoqi sot, e diel, 27 gusht 2023,  Primaret në PD Kukës për të zgjedhur kandidatin për zgjedhjet e pjesshme për Bashkinë Kukës.

Procesi u hap në orën 8.00 dhe u mbyll në orën 18.00.

Pas numerimit të fletëve të votimit, sipas procesverbalit zyrtar të mbërritur nga Komisioni i Votimit dhe Numurimit, fitues u shpall: z. Emri Vata.

Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kandidatit në zgjedhjet e parakohshme të Bashkisë Kukës.

ZYRA E SHTYPIT DHE KOMUNIKIMIT

PARTIA DEMOKRATE