KULLA E TË LIGUT

KULLA E TË LIGUT

Mblidh gërmadhash copa
hekur tulla kat më kat
Bëji themel të fortë te gropa
E shtetit tënd privat

Piks çimenton e babëzisë
Me gjakun e therrorit
Mes kujes dhe zisë
Prej tërmetit të nëntorit

Gaz i rremë të mbush odën
brohoritje e hosana
Bylyku që të jep votën
Të puth dorën si baba

Pra jepi!
Ngriji muret gjer në re
Me rrënojat e Shqipërisë
Më të lartën përmbi dhe
Dhe se kulla e Babilonisë

Ngjitu ngjitu pambarim
E ti vetë rri në majë
Ngrije kullën mbi mjerim
Gjer sa muri të të mbajë

Armir Shkurti

3.12.2019