Motra e deputetes socialiste FELAJ, del para vetingut

Prokurorja Alma Felaj përballë KPK-së në procesin e rivlerësimit

Prokurorja e Prokurorisë së Rrethit Gjyqësor Tiranë, Alma Felaj, u përball të mërkurën në mëngjes me gjetjet e hetimit administrativ të Komisionit të Pavarur të Kualifikimit (KPK), si pjesë e procesit të rivlerësimit kalimtar të gjyqtarëve dhe prokurorëve, i njohur gjithashtu si procesi i vetingut.

Trupa e KPK-së, e udhëhequr nga komisionerja Alma Faskaj, me relator Olsi Komici dhe anëtaren Etleda Çiftja, zhvilloi procesin e rivlerësimit për Felajn, duke i vlerësuar tre kriteret e vetingut: kontrollin e pasurisë, integritetin e figurës dhe profesionalizmin.

Gjatë seancës së rivlerësimit që zgjati 45 minuta, Komici theksoi se KPK kishte zbuluar një diferencë të vogël prej 211 mijë lekësh në analizën financiare të rritjes dhe zvogëlimit të pasurisë së familjes së subjektit dhe pasaktësi në deklaratën vjetore të një toke bujqësore të fituar nga familja e subjektit përmes ligjit 7501.

Komici gjithashtu njoftoi se subjekti kishte marrë një vlerësim pozitiv nga institucionet ndihmëse në lidhje me integritetin e figurës dhe profesionalizmin, ndërsa hetimi administrativ i KPK-së nuk zbuloi probleme të tjera.

Prokurorja Alma Felaj shpjegoi pasaktësitë në deklaratat periodike dhe kërkoi konfirmimin e saj në detyrë nga KPK.

Alma Felaj ka përfunduar studimet në Shkollën e Magjistraturës në vitin 2006 dhe u emërua prokurore në Prokurorinë e Fierit. Në vitin 2011, ajo u transferua në Prokurorinë e Durrësit, ndërsa në maj të vitit 2023 u transferua në mënyrë të diskutueshme nga Këshilli i Lartë i Prokurorisë në Prokurorinë e Tiranës.

Alma Felaj është kunata e deputetes së Partisë Socialiste, Ermonela Felaj, dhe e afërmja e katërt e saj që u emërua në Prokurorinë e Tiranës gjatë viteve të fundit. Në të njëjtën prokurori punojnë edhe bashkëshorti dhe motra e deputetes Felaj si prokurorë, si dhe vëllai i saj si oficer i policisë gjyqësore.

Procesi i rivlerësimit për Felaj është bërë ex-oficio dhe ajo u vlerësua nga KPK për të qenë në gjendje të konfirmohet në qershor të vitit 2020. Ajo ka marrë një vlerësim pozitiv nga Inspektorati i Lartë i Deklarimit dhe Kontrollit të Pasurisë dhe të Intereseve, i cili ka konstatuar se ajo ka dhënë deklaratë të saktë, ka burime financiare të mjaftueshme për pasuritë e deklaruara dhe nuk është në konflikt të interesit.

Si pjesë e hetimit administrativ, KPK ka shqyrtuar një numër pasurish të lëvizshme dhe të papërligjshme të subjektit dhe familjarëve të saj, duke përfshirë një automjet Ford Fiesta, një automjet Mercedes Benz, një tokë arë në Fier me sipërfaqe 13 mijë m2, investime në obligacione, si dhe 2 apartamente në Tiranë – një në lagjen ‘5 maji’, të blerë nga i vjehrrit, dhe një në rrugën e Elbasanit, të blerë në bashkëpronësi me vjehrrin.

Për apartamentin e blerë nga i vjehrrit në lagjen ‘5 maji’ në Tiranë, KPK ka konstatuar një mungesë burimesh financiare prej 585 mijë lekësh, por që nuk ka pasur ndikim në vlerësimin e subjektit, pasi ky pasuri është krijuar para lidhjes së martesës në vitin 2009.

Për një apartament të blerë në vitin 2007, me vlerë 100,000 euro, në rrugën e Elbasanit në Tiranë, KPK ka konfirmuar se subjekti i rivlerësimit dhe familja e saj kanë pasur burime të ligjshme.

Felaj u pyet nga anëtarja e KPK-së, Etleda Çiftja, në lidhje me çmimin e blerjes së një automjeti Mercedes Benz, me vlerë 7,500 euro në vitin 2015. Ajo dha shpjegime mbi natyrën rastësore të njohjes me shitësin. Gjithashtu, subjekti i rivlerësimit shpjegoi se kishte banuar me qira për një periudhë pas vitit 2017, ndërkohë që shtëpia e saj në Tiranë ishte në procesin e arredimit.

Vendimi i KPK-së për prokuroren Alma Felaj do të shpallet më datë 14 korrik në orën 9.30.