Kurbin/ Bie nga ura e amortizuar mbi lumë, vdes e moshuara

Banorët shpesh herë kanë dhënë alarmin SOS për urën pasarelë mbi lumin Shkopet në Kurbin, por thirrjet e tyre kanë rënë në vesh të shurdhër.

Asnjë investim, asnjë ndërhyrje nuk është bërë dhe amortizimi i saj ka shkaktuar një dite më parë edhe një viktimë, pasi një 86-vjeçare e cila po kalonte mbi urë, ka humbur ekuilibrin duke përfunduar në lume   gjetur vdekjen.

Njeri nga banorët e Shkopetit tregon se kjo situatë vijon të jetë e tillë prej shumë vitesh dhe se çdo ditë jeta banorëve është në rrezik të madh.

Ura me gjatësi rreth 100 m, është e ndërtuar me kavo dhe dërrasa, çka e bën tejet të vështirë kalimin e banorëve nga njëra anë në anën tjetër.

Nga ana e bashkise prej vitesh është hartuar një projekt por ende nuk ka nisur zbatimi i tij.