Lapaj thirrje Samir Manes: Meqë ke para, nuk mund të sillesh si pronar i Republikës. Tërhiqu nga Dukati!

Adriatik Lapaj

Samir Mane, deri sot nuk të kam përmendur kurrë, pasi nuk më rezultoje i ngatërruar në tendera publikë.

Unë sot po të drejtohem në vetë të parë, me emër e mbiemër, sepse punonjësit e tu kanë dhunuar banorët e fshatit Dukat për t’u marrë ujin. Kjo është vijë e kuqe dhe askush nuk duhet t’ia lejojë vetes ta kalojë.

Ti nuk mund të mendosh se, meqë ke para, mund të sillesh si pronar i Republikës. Tërhiqu nga Dukati! Mos e vazhdo atë aventurë! Ujin për banorët e kompleksit tënd gjeje ku të duash! Ta mendoje kur e ndërtove dhe e shite sa frëngu pulën.