‘Larg duart nga Moise Kean’/ Juventusi i dërgon klubeve mesazhin e qartë

Juventusi ka një djalosh të artë në duar dhe nuk do ta lëshojë atë. Moise Kean është njeriu i momentit te Juventusi, duke i bërë gjërat në mënyrën e duhur.

Golat me Italinë dhe trepikëshi që i dha Juventusit me golin e tij në ndeshjen me Empolin, kanë bërë drejtuesit bardhezinj të ofrojnë një rinovim të kontratës për 19-vjeçarin.

Sipas “Tuttosport”, Mino Raiola, menaxheri i lojtarit dhe drejtuesit do të ulen të bisedojnë për kontratën e Kean.

Nga 500 mijë euro që është duke përfituar deri tani, Kean do të arkëtojë deri në vitin 2024 plot 2 milionë euro në sezon.

Juventusi duket se me këtë lëvizje po blindon lojtarin dhe largon çdo pretendent të mundshëm për ta blerë atë.