Lideri i Iranit paralajmëron pas vdekjes së Sinwarit: ‘Boshti i Rezistencës’ vazhdon!

Lideri suprem iranian Ayatollah Ali Khamenei tha se Hamasi dhe përfaqësuesit e tjerë të mbështetur nga Teherani do të vazhdojnë të jetojnë pavarësisht vdekjes së udhëheqësit të Hamasit në Gaza, Yahya Sinwarit.

“Humbja e Sinwarit është padyshim e dhimbshme për Boshtin e Rezistencës, por ky front nuk do pushojë së avancuari me martirizimin e figurave të shquara”, deklaroi Khamenei.

“Hamasi është gjallë dhe do të mbetet gjallë”, u shpreh ai.

Sinwar mbeti i vrarë mërkurën gjatë një sulmi nga forcat izraelite në një luftë njëvjeçare, ndërsa vdekja e tij u konfirmua 1 ditë më pas.

“Ai ishte një fytyrë e shndritshme e rezistencës dhe e luftës. Me një vendosmëri të çeliktë, ai qëndroi kundër armikut shtypës dhe agresiv”, tha lideri suprem iranian.

“Me mençuri dhe guxim, ai u dha atyre goditjen e pariparueshme të 7 tetorit që është regjistruar në historinë e këtij rajoni. Më pas, me nder dhe krenari, ai u ngjit në qiellin e dëshmorëve. Si gjithmonë do të qëndrojmë pranë luftëtarëve dhe luftëtarëve të sinqertë, me mëshirën dhe ndihmën e Zotit”, shtoi Khamenei.

Irani ka mbështetur, financuar dhe trajnuar disa grupe përfaqësuese në të gjithë rajonin e Lindjes së Mesme në shkallë të ndryshme, duke përfshirë Hamasin në Gaza, Houthis në Jemen, Hezbollah në Liban dhe një numër fraksionesh të tjera me bazë në Siri dhe Irak – referuar kolektivisht si “Boshti i Rezistencës”.