Liverpooli e mposhtë skuadrën e fundit në tabelë, shënojnë Shaqiri e Salah

Me këtë fitore, skuadra e Jurgen Klopp është ngritur në vendin e parë në renditje përkohësisht me 30 pikë, pasi sot luajnë Manchester City dhe Chelsea.

Jurgen Klopp vendosi që të startojë me Xherdan Shaqirin në formacion, i cili tregoi një ndeshje të mirë, pasi shënoi edhe gol.

Në pjesën e parë ishte Mohamed Salah që shënoi golin e parë në minutën e 41’.

Kurse në minutën e 53’ Xherdan Shaqiri për mrekulli e shënoi golin e dytë pas harkimit të marrë nga Andy Robertson.

Në pesë paraqitjet e fundit me Liverpoolin, Xherdan Shaqiri i ka shënuar dy gola dhe ka bërë tri asistime.

Në ndeshjen e ardhshme në Premierligë, Liverpooli luan si mysafir ndaj Watfordit, kurse Fulhami e pret në shtëpi Southamptonin.