Makineria naziste e shërbimit social në vitin 2018

Klodian Tomorri

Stela Dervishi është një vajzë vetëm 7 vjec nga Lekaj e Lushnjës. Per shkak të një semundje në rrugët e frymarrjes ajo nuk mund të marrë frymë si gjithë femijët e tjerë dhe ka nevojë që disa herë në dite të përdor një aparat të posacëm, i cili funksion me energji elektrike. Por prej një jave shteti ja ka prerë dritat familjes së Steles ngaqë prinderit e saj janë te varfër dhe nuk kanë para të paguajë faturën e energjisë. Praktikisht ky është dënim me vdekje dhe ekzekutori është qeveria.

Shërbimi shtetëror social, institucioni që administron ndihmën shtetërore për shtresat në nevojë është shnderruar në një makineri e pamëshirshme shfarosje, që operon me metoda naziste. Familja e Stelës jeton në skamje deri në pikën që nuk mund të paguajë energjinë per aparatin që mban në jetë femijën e saj. Por as kjo nuk ka mjaftuar që sherbimi social t’ia miratojë ndihmën ekonomike duke u kthyer në një gjykatë që vendos se kush jeton dhe kush jo. Biznes nazistësh.

Në vjeshtën e vitit 1939 Hitleri nisi një program sekret të quajtur Aktion T4, i cili autorizonte mjekët gjermanë të vrisnin femijët që nuk konsideroheshin si të shendetshëm fizikisht apo mendërisht. Përmes programit u vranë mbi 275 mijë femijë me eutanazi të sforcuar.

Seleksionimi i fëmijëve bëhej permes një programi të avancuar shkencor të ngritur nga Karl Brandti. Njësoj si sistemi i pikezimit që përdor sherbimi ynë social për të percaktuar se kush merr ndihmë ekonomike dhe kush duhet të vdesë.