Maradona mbështet Koulibalyn: Kam përjetuar edhe unë kore raciste

“Kam luajtur për shtate vite me Napolin, kam marrë edhe unë kore raciste nga disa tifozëri. I kujtoj ende banderolat ku shkruhej: ‘Mirë se erdhët në Itali!’. Ndihem edhe më shumë napolitan dhe sot dua t’i ndodhem pranë Kalidu Koulibaly”.

Ky është mesazhi në Facebook i Diego Armando Maradonës, që poston edhe një foto në të cilën mban në duar fanellën me numër 26 të Koulibaly.

“Shpresoj që ky episod të jetë pikë kthesë për të eliminuar një herë e mirë racizmin në futboll”, shkruan ish-ylli i Napolit.