Mbushi me 50 euro naftë , e pëson keq i riu vlonjat

Mbushi makinen me nafte dhe pagoi me euro false, por e peson keq i riu vlonjat. Policia ka arrestuar për falsifikim monedhash shtetasin M. Ç., 34 vjeç, banues në Vlorë.

“Ky shtetas u kap pasi ditën e djeshme ka shkuar në një pikë karburanti në fshatin Sherishtë, Vlorë dhe ka mbushur automjetin Ford Focus me disa litra naftë, duke i dhënë punonjësit të pikës një kartëmonedhe me prerje 50 euro, e cila dyshohet të jetë e falsifikuar”.

Policia ka arrestuar në flagrancë shtetasin N. L., 24 vjeç, banues në Elbasan.

Ky shtetas u kap në aksin rrugor të lagjes “Ujë i Ftohtë” Vlorë duke drejtuar automjetin pa leje drejtimi përkatës, si dhe nga kontrolli i ushtruar, shërbimet i gjetën një sasi të vogël lëndë narkotike, e dyshuar e llojit canabis sativa.

Materialet iu referuan Prokurorisë për veprime të mëtejshme.