MËSIMI I NATYRËS

Për fat të keq, Njeriu, pasi nuk u ngop me Natyrën, iu kthye të hajë edhe veten.
Makutëria kanibaleske e Tij e katandisi botën këtu ku është sot.
Këto ditë që COVID-19 i detyroi njerëzit të mbyllen nëpër shtëpi, në Venecia u shfaq një dukuri që aq sa është e bukur, të bën edhe të mendosh.
Boshllëkun që la mungesa e turistëve të shumtë, e gondolave të llojëllojshme, e rrëmujës dhe komercializmit pa fre njerëzor, vetëm në kaq pak ditë e zunë delfinët dhe mjelmat.
Rikthim i shpresës në Tokë?
Mbase është ky një nga mësimet që Zyshë Natyra i jep nxënësit të praptë Njeri.