Ndërron jetë një tjetër i prekur nga koronavirusi në Kosovë, shkon në 4 numri i viktimave
Shkon ne 4 numri i viktimave nga koronavirusi ne Kosove. Lajmin e ka bere me dije Shërbimi Spitalor dhe Klinik Universitar i Kosovës.
“I.SH (1955), i transferuar nga Spitali i Përgjithëm në Ferizaj, ka ardhur në gjendje të rëndë shëndetësore, dhe për shkak të arrestit kardiak, përkundër angazhimit maksimal nga stafi mjekësor i Klinikës Emergjente, nuk ka arritur të mbijetojë. Ai rezultuar pozitiv pasi u testua pasi ka vdekur”, thuhet në njoftim
Dy rastet tjera përfshijnë një punëtor fizik nga Malisheva dhe një pacient nga Mitrovica.
Ndërkaq Instituti Kombëtar i Shëndetit Publik njoftoi se gjithsej pesë persona janë konfirmuar gjatë ditës së sotme me koronavirus.
Me këto të dhëna, numri i të infektuarve në Kosovë arrin në 170 ndërkaq i viktimave
Një nga zyrtarët e ministrisë së Shëndetësisë në Kosovë rezulton pozitiv me Covid-19.
Testimi është bërë ditën e djeshme, ndërsa lajmi konfirmohet nga zëdhënësi I Ministrisë së Shëndetësisë, Faik Hoti.
Punonjësi që ka rezultuar pozitiv është vendosur në karantinë, ndërsa edhe 2 punonjës të tjerë I janë nënshtruar testit dhe janë në vetëizolim, ndërsa priten përgjigjet.
“Mund t’ju konfirmojmë se një zyrtar i Ministrisë së Shëndetësisë ka dalë dje pozitiv me Koronavirus. Ai momentalisht nuk është në Ministri dhe personat që kanë qenë në kontakt me të i janë nënshtruar testit dhe tani presim rezultat”, është shprehur zëdhënësi i minsitrisë së Shëndetësisë.
Keni një histori? Denonco anonimisht, identiteti juaj mbrohet.
Denonco
